NEWS MASALA

नंदुरबार जिल्ह्यातील माध्य. शाळांतील मुख्याध्यापकांसाठी शैक्षणिक मार्गदर्शक पुस्तिकेचे मान्यवरांच्या हस्ते प्रकाशन !        नंदुरबार :- मुख्याध्यापकांना शैक्षणिक कामकाज करतांना अनेक अडचणींचा सामना करावा लागतो.मुख्याध्यापकांचे प्रशासकीय कामकाज सुलभ होण्यासाठी, नंदुरबार जिल्हा निर्मितीनंतर प्रथमतः माध्यमिक शाळेतील मुख्याध्यापकांसाठी "शैक्षणिक मार्गदर्शक पुस्तिका सन २०२१-२२" ची निर्मिती करण्यात आली.         नंदुरबार जिल्ह्यातील प्रशासकीय अधिकारी यांचे संक्षिप्त कार्यभार, वर्षभराचे नियोजन, शाळा पातळीवरील विविध समित्या व त्यांचे कामकाज,शालेय अभिलेख, इयत्ता निहाय तासिका वाटप नियोजन, इ.५ वी ते इ.१० वी वर्गांचे मूल्यमापन तक्ते, रजेचे प्रकार, मुख्याध्यापकांचे कर्तव्य व जबाबदाऱ्या, महत्वाचे शासन निर्णय व परिपत्रके अशा विविधांगी विषयांचे एकत्रित संकलन करून नंदुरबार जिल्हा माध्यमिक व उच्च माध्यमिक शाळा मुख्याध्यापक संघ, नंदुरबार यांच्या संयोजनाद्वारे श्री.आप्पासो.आ.ध.देवरे माध्यमिक विद्यालय विखरण ता. जि.नंदुरबार विद्यालयाचे मुख्याध्...

ग्रामविकास मंत्री हसन मुश्रीफ यांच्यावतीने जि. प. कामकाजाचा आढावा       नाशिक(प्रतिनिधी)::- राज्याचे ग्रामविकास मंत्री ना. हसन मुश्रीफ यांनी आज नाशिक जिल्हा परिषदेतील सर्व विभागांची आढावा बैठक घेतली, यावेळी मुख्य कार्यकारी अधिकारी लीना बनसोड यांनी ग्रामविकास मंत्री ना. हसन मुश्रीफ यांचे महिला बचत गटांच्या वतीने तयार केल्या गेलेल्या कौशल्यपूर्ण वस्तू या प्रातिनिधिक स्वरूपात देऊन स्वागत केले.          राज्याचे ग्रामविकास मंत्री हसन मुश्रीफ यांनी नाशिक जिल्हा परिषदेच्या सर्व विभागांची माहिती घेत जिल्ह्यातील विकासकामांचा आढावा घेतला, जिल्हा ग्रामीण विकास यंत्रणेमार्फत सुरू असलेल्या सर्व योजनांचा आढावा यावेळी ना. हसन मुश्रीफ यांनी घेतला, विविध विकास योजनांसाठी केंद्र व राज्य शासनाचा किती निधी उपलब्ध आहे यातील खर्चित अखर्चित निधीची माहिती घेतली, त्याचबरोबर नाशिक जिल्ह्यात एकूण किती घरकुलांचे उद्दिष्ट आणि पूर्तता झाली याची देखील माहिती घेतली व महिला बचत गटांनी तयार केलेल्या कौशल्यपूर्ण वस्तूंची विक्री करण्यासाठी बाजारपेठ उपलब्...

वसईच्या नागले गावातील "यश" न्यूज मसाला वृत्तसेवा          वसई (गुरुदत्त वाकदेकर) : संपूर्ण भारतातून एनसीसी कॅडेटचे शिबिर ग्वालियर, मध्यप्रदेश येथे आयोजित करण्यात आले होते. त्यात पालघर जिल्ह्यातून वसई तालुक्यातील नागले गावातील यश अनिल पाटील यांनी संत गोंसलो गार्सिया महाविद्यालयाच्या माध्यमातून सहभाग घेतला होता. महाराष्ट्रातून २८ व संपूर्ण भारतातून २४८ एनसीसी कॅडेट्स यात सहभागी झाले होते. यश याने महाराष्ट्राचं प्रतिनिधित्व करत "खडक चढणी व गोळीबार" स्पर्धेत अव्वल क्रमांक पटकावला. शिबिरात झालेल्या सांस्कृतिक कार्यक्रमात छत्रपती शिवाजी महाराज व महाराष्ट्राची संस्कृती यावर आधारित कार्यक्रम झाला. डिजी एनसीसी लेफ्टनंट जनरल गुरबिरपाल सिंग यांनी प्रेरणादायी विचार सर्व सहभागी एनसीसी कॅडेट्स समोर व्यक्त केले. सदरचे एनसीसी शिबिर हे कर्नल अरविंद दास यांच्या निरीक्षणाखाली पार पाडले. छोट्याशा गावातील एक हुशार मुलगा देश पातळीवर महाराष्ट्राचं प्रतिनिधित्व करतो ही नक्कीच नागले वासीयांसाठी अभिमानास्पद बाब आहे. सर्व स्तरातून "यश"च्या यशाचं कौतुक होत आहे.

युवा कवयित्री कु. वर्षा शिदोरे यांच्या "स्मितरहस्य" काव्यसंग्रहास सन्मान पुरस्कार !       नासिक::- युवा कवयित्री कु. वर्षा शिदोरे, नाशिक यांच्या 'स्मितरहस्य' या पहिल्या-वहिल्या काव्यसंग्रहास  पुणे येथे ८९ व्या अखिल भारतीय मराठी साहित्य संमेलनाचे अध्यक्ष व प्रसिद्ध ज्येष्ठ लेखक डॉ. श्रीपाल सबनीस यांच्या हस्ते प्रदान करण्यात आला.      ी कवी चंद्रकांत जोगदंड यांच्या काव्यार्चना कवितासंग्रहाच्या प्रकाशन सोहळ्यानिमित्त कै. गंगाधर श्रावण आबक यांच्या स्मरणार्थ 'विशेष सन्मान' म्हणून दिला जाणारा उत्कृष्ट वाङ्मय पुरस्कार देण्यात आला.       काव्यार्चना काव्यसंग्रहाच्या प्रकाशन व पुरस्कार सोहळ्यानिमित्त खुले काव्यसंमेलन आयोजित केले गेले होते. अनेक कवी/कवयित्रींच्या काव्यसुमनांनी आनंदलेल्या सोहळ्याला थाटामाटात सुरुवात झाली. यावेळी व्यासपीठावर ज्येष्ठ ग्रामीण साहित्यिक व कथाकार बबन पोतदार, भारत हायस्कुल ज्युनिअर कॉलेज जेऊर ता. करमाळाचे प्राचार्य हनुमंत धालगडे , विश्वरत्न इंग्लिश मेडियम विष्णूपंत ताम्हाणे विद्यालय चिखलीचे अध...

तारप्याच्या कथा अन् व्यथा... "मी तारपा !" आदिवासी संस्कृतीचे सुरेल प्रतीक!                 एकेकाळी मला मानाचे स्थान होते. जव्हार संस्थानच्या दरबारात डौलदार तारपा नृत्य आयोजित केले जाई. आज मला घडवणारे आहेत, सारे कौशल्य पणाला लावून प्राणपणाने वाजवणारे आहेत; पण हळूहळू माझ्या सुरावटीवर भान हरपून, बेभान होऊन नाचणारे पाय शहरांकडे वळले आणि माझे सूर हरपले! नवीन पिढीत माझे संगोपन, संवर्धन करण्याची ऊर्मी नाही. तारपा वाजवून पोट भरणार का ? असा प्रश्न युवकांना पडतो. तसे मला आठवणीत ठेवण्यासाठी काही प्रयत्न केलेही जातात; पण ते अगदीच नगण्य! हे असंच होत राहिलं तर माझी रवानगी लवकरच वस्तुसंग्रहालयात होईल! पुढच्या पिढ्यांना 'कोणे एके काळी' तारपा नावाचे  वारली जमातीचे एक   वाद्य होते, असे ऐकावे लागेल. ते टाळण्यासाठी आज मी माझी कथा आणि व्यथा मांडणार आहे...   सरकार दरबारी घुंगरांचा आवाज ऐकला जातो, लावणी नृत्याला प्रतिष्ठा प्राप्त झाली आहे. त्याबद्दल मला अभिमानच वाटतो. पण त्याच वेळी माझी सुरावट ऐकायला मात्र कुणाल...

दुबईतील महाबीज कॉन्फरन्समधील सहभागातून महाराष्ट्रातील व्यावसायिकांना व्यवसाय विस्तारण्याची संधी ! बिझनेस कोचसह ब्रिजमोहन टुरिझमची वैशिष्ट्यपूर्ण दुबई टूर करण्याची संधी !           नाशिक ::- सार्‍या जगाचे लक्ष वेधून घेणार्‍या ‘दुबई एक्स्पो’ प्रदर्शनाच्या माध्यमातून महाराष्ट्रातील व्यावसायिकांना दुबईमध्ये होऊ घातलेल्या ‘महाबीज बिझनेस कॉन्फरन्समध्ये’ सहभागाची संधी उपलब्ध करून देण्यासाठी नाशिक येथील प्रसिध्द ब्रिजमोहन टुरिझमने बिझनेस कोचसह स्पेशल दुबई टूरचे आयोजन करण्यात आल्याची माहीती प्रसिध्द बिझनेस कोच अतुल ठाकूर व ब्रिजमोहन टुरिझमचे संचालक ब्रिजमोहन चौधरी यांनी पत्रकार परिषदेत दिली. याविषयी अधिक माहीती देतांना ब्रिजमोहन चौधरी म्हणाले की, दि. १७ फेब्रुवारी २०२२ रोजी ‘दुबई एस्न्पो’च्या माध्यमातून ‘गल्फ फूड फेअर’ या महत्त्वाच्या खाद्य-पेय आणि कृषी संदर्भातील प्रदर्शनाला भेट देता येईल आणि महाराष्ट्रीयन व्यावसायिकांसाठी महत्त्वाच्या अशा ‘महाबीज बिझनेस कॉन्फरन्सला’ १९-२० फेब्रुवारी २०२२ रोजी उपस्थिती लावता येईल तसेच गरजे प्रमाणे दोन दिवसाची ‘दु...

गोदावरी उत्सवाला वारसाफेरीने सुरूवात      नासिक ( जिमाका वृत्तसेवा)::- स्वातंत्र्याचा अमृत महोत्सवानिमित्त जिल्हाधिकारी नासिक, राज्य पुरातत्त्व विभाग व नासिक इतिहास संशोधन मंडळ यांच्या संयुक्त विद्यमाने गोदावरी उत्सव १५ ते २१ डिसेंबरदरम्यान साजरा केला जात आहे. या उत्सवाची सुरूवात बुधवारी सकाळी गोदाकाठावर देवमामलेदार महाराज मंदिरासमोरून वारसा फेरीच्या माध्यमातून झाली. यावेळी पूजा निलेश यांचा सुलेखन प्रात्यक्षिकांचा कार्यक्रम झाला. तर चित्रकार रमेश जाधव यांनी गोदावरी व नदी संदर्भातील चित्रांचे सादरीकरण केले होते. याला नाशिककरांनी उत्तम प्रतिसाद दिला. गोदावरी उत्सव व वारसाफेरीचे उद्घाटन जिल्हाधिकारी सूरज मांढरे, सौ. मयुरा मांढरे,  पोलिस आयुक्त दिपक पांडे, पुरातत्त्व विभागाच्या उपसंचालिका आरती आळे, उपजिल्हाधिकारी नितीन मुंडावरे, उपजिल्हाधिकारी नितीन गावंडे, नासिक इतिहास संशोधन मंडळाचे अध्यक्ष योगेश कासारपाटील, आनंद बोरा, डॉ. अजय कापडणीस, महेश शिरसाट उपस्थित होते. पंचवटी वरिष्ठ पोलिस निरिक्षक डॉ. सीताराम कोल्हे, सरकारवाडा पोलिस निरिक्षक राजन सोनवणे यावेळी उपस्थित ...

१५ डिसेंबर आंतरराष्ट्रीय चहा दिन !          "चहा महात्म्य"          चहा हा आपल्या जीवनातील प्रत्येक घटना आणि भावनात्मक प्रसंगांशी जोडलेला आहे. सकाळची सुरुवात चहाने होते तर चहा मुळे सायंकाळचा आनंद द्विगुणीत होतो. जगभरात १५ डिसेंबर हा दिवस ‘आंतरराष्ट्रीय चहा दिन’ म्हणून साजरा केला जातो. चहांच्या मळ्यामध्ये आणि कारखान्यांमध्ये काम करणाऱ्या श्रमिकांच्या स्थितीकडे लक्ष वेधणे, हा यामागील मुख्य उद्देश आहे. जगात दररोज सुमारे तीनशे कोटी कप चहा पिला जातो. भारत सुमारे एक शतक चहा उत्पादनात आघाडीवर होता. भारत हा जगातील सर्वात जास्त चहा उपभोक्ता देश असून भारतातील एकूण चहा उत्पादनापैकी ७० टक्के चहा देशातच वापरला जातो.             बेवफा सनम से अच्छी ‘चाय’ !             किंवा                      ...

भिंत नव्हे कॅनव्हास !     आदिवासी वारली चित्रकला प्रामुख्याने झोपडीच्या भिंतीवर रेखाटली जाते. ही परंपरा ११०० वर्षे जीवंत आहे. झोपडीतील भिंत हाच त्यांचा कॅनव्हास ! शेणाने सारवलेल्या भिंतीवर गेरुच्या गडद रंगाने चौकोन आखला जातो. त्यावर तांदळाच्या पिठाने चित्रे रेखाटली जातात.बांबूच्या काडीचा ब्रश तयार केला जातो. पूर्णपणे पर्यावरणपूरक अशी ही चित्रशैली निसर्गस्नेही आहे. झोपडीची भिंत पुन्हा पुन्हा सारवावी लागते. भिंत सारवल्यावर त्यावर परत नवी चित्रे काढली जातात. त्यामुळेच या कलेचे स्वरुप नीत्यनूतन असे आहे. चित्राखेरीज भिंत म्हणजे कपड्याविना मनुष्य अशी वारली जमातीची समजूत आहे. त्यांच्या झोपड्याही अतिशय कलात्मक असतात. अनेक वारली चित्रांमध्येही त्यांचे सुंदर दर्शन घडते.       वारली जमातीत शेतांजवळ घरे बांधून राहण्याची पद्धत आहे.एखादी मोठी विहीर, ओढा, नदी जवळ आहे असे बघूनच पाडा वसविला जातो. पंधरा -वीस झोपड्यांच्या वस्तीला पाडा असे म्हणतात. तीनचार ते दहा-बारा पाडे मिळून एक गाव तयार होते.सर्वसाधारणपणे खेड्यांत रस्त्यांवर व घरांजवळ जी अस्वच्छता दिसते तशी ती ...

जागतिक दिव्यांग दिनानिमित्त, दिव्यांग बांधवांसाठी विशेष कोविड १९ लसीकरणाचे भव्य शिबीर ! शिंदे. ता. जि. नाशिक      दिनांक १० डिसेंबर रोजी शिंदे गाव, तुळजाभवानी लान्स, नाशिक पूना हायवे, टोल नाक्या जवळ, नाशिक येथे आमदार सरोजताई आहेर यांच्या अध्येक्षतेखाली दिव्यांग बांधवांसाठी विशेष कोविड १९ लसीकरण आयोजन करण्यात आले होते. शिबिरासाठी पंचक्रोषीतील दिव्यांग बंधू -भगिनी यांनी मोठ्या संख्येने उपस्थित होऊन शिबिरामध्ये कोविड १९ अंतर्गत प्राथमिक आरोग्य केंद्र शिंदे येथील नाशिक तालुक्यातील दिव्यांग लाभार्थ्यांनी कोविड १९ लसीकरणाचा पहिला तसेच दुसरा डोसचे लसीकरण करून घेतले. सदर दिव्यांग कोविड १९ लसीकरणासाठी तालुक्यातील मान्यवर पंचक्रोषीतील सर्व ग्रामपंचायत सरपंच, उपस्थित होते, तसेच तालुका स्तरावरील अधिकारी तहसीलदार अनिल दौंड, नासिक पंचायत समिती च्या गटविकास अधिकारी डॉ. सारिका बारी, सहा. गटविकास अधिकारी विनोद मेठे, तालुका वैद्यकीय अधिकारी डॉ. शैलेश निकम, विस्तार अधिकारी सानप, अबू नाना शेख, प्रा. आ. केंद्र. शिंदे येथील आरोग्य अधिकारी व सर्व कर्मचारी उपस्थित होते.