माझं नाशिक, माझी चित्रेबुधवारी चित्रप्रदर्शन उदघाट्न !
माझं नाशिक, माझी चित्रे
बुधवारी चित्रप्रदर्शन उदघाट्न !
नाशिक( वार्ताहर ) नाशिकला जलरंग निसर्गचित्रणाची मोठी कलात्मक परंपरा लाभलेली आहे. चित्रमहर्षी वा. गो. कुलकर्णी यांनी जलरंगात प्रथम नाशिकचे वैभव रंगवले. त्यानंतर शिवाजी तुपे, पंडित सोनवणी, आनंद सोनार व पुढे अनेकांनी त्यात सुंदर चित्रांची भर घातली. या परंपरेतील चित्रकार बाळासाहेब पाटसकर यांच्या जलरंगातील 'माझे नाशिक, माझी चित्रे' या चित्र प्रदर्शनाचे आयोजन करण्यात आले आहे. बुधवारी ( दि. ७) सायंकाळी ५.३० वाजता नाशिकरोडला स्टार झोन मॉलमध्ये पु. ना. गाडगीळ कलादालनात उदघाट्न होईल.
चित्रकार बाळासाहेब पाटसकर यांनी जलरंग माध्यम वापरून नाशिक शहर व परिसरातील विविध ठिकाणची दृश्ये रंगवली आहेत. त्यातील सुमारे ५० चित्रांचा समावेश प्रदर्शनात करण्यात येणार आहे. ज्येष्ठ चित्रकार भी. रा. सावंत यांच्या हस्ते उदघाट्न होईल. यावेळी प्रमुख पाहुणे म्हणून सुप्रसिद्ध छायाचित्रकार व राज्य सांस्कृतिक धोरण समिती सदस्य प्रसाद पवार तसेच पु. ना. गाडगीळ आणि सन्सच्या
शाखाव्यवस्थापिका प्रविणा दुसाने उपस्थित रहाणार आहेत. दि.१५ पर्यंत हे चित्रप्रदर्शन सकाळी ११ ते रात्री ८ पर्यंत रसिकांसाठी विनामूल्य खुले राहील. नाशिककर कलारसिकांनी उदघाट्न समारंभाला उपस्थित राहावे व प्रदर्शनाला आवर्जून भेट देऊन कलेचा आस्वाद घ्यावा असे आवाहन संयोजकांनी केले आहे.
नाशिकचे रसिक पाहू शकतील पण मला आणि माझ्या सारख्या बाहेर गांवच्या लोकांना पाहता येणार नाही ही खंत वाटते , तरी आपण प्रदर्शन झाल्यावर व्हाटस् अपवर दाखवले तर आम्हाला आनंद होईल , आशा आहे आपण नाही म्हणणार नाही ,
उत्तर द्याहटवाकाशिनाथ भारंबे "निर्मोही"/ भुसावळ / मोबा 9272303212
ओके, प्रयत्न करू
उत्तर द्याहटवा