NEWS MASALA

जिल्हास्तरीय ‘स्पेलिंग बी’ स्पर्धा विजेत्यांना  पालकमंत्र्यांच्या हस्ते पारितोषिक वितरण संपन्न !   नाशिक, दिनांक 30 जून 2023 (जिमाका वृत्तसेवा)::-  जिल्हा परिषदे तर्फे शाळा, केंद्र व तालुकास्तरावर ‘स्पेलिंग बी’ स्पर्धेचे आयोजन करण्यात आले. या स्पर्धेत प्रत्येक तालुक्यातील आठ विद्यार्थ्यांची निवड जिल्हास्तरावर करण्यात आली होती. आज महाकवी कालिदास कलामंदिर येथे निवड झालेल्या विद्यार्थ्यांची जिल्हास्तरीय स्पेलिंग बी स्पर्धा संपन्न झाली. या स्पर्धेतील विजेत्यांना राज्याचे बंदरे व खनिकर्म मंत्री तथा जिल्ह्याचे पालकमंत्री दादाजी भुसे यांच्या हस्ते सन्मानचिन्ह व प्रशस्तीपत्र देवून गौरविण्यात आले.         यावेळी जिल्हा परिषदेच्या मुख्य कार्यकारी अधिकारी आशिमा मित्तल, जिल्हा परिषदेचे अतिरिक्त मुख्य कार्यकारी अधिकारी डॉ. अर्जुन गुंडे, जिल्हा परिषदेचे शिक्षणाधिकारी (प्राथमिक) भगवान फुलारी यांच्यासह जिल्हा परिषद शाळांमधील शिक्षक व स्पर्धक विद्यार्थी उपस्थित होते.   पालकमंत्री यांच्या हस्ते या विद्यार्थ्यांचा झाला सन्मान पहिला ग्रुप दर्शिका नरेश वानखेडे इयत्ता १ ली, जि.प.शाळा, दहिकुटे, मालेगाव गणेश

विशेष बालकांच्या दिंडीने सर्वांचे लक्ष वेधून घेतले !          नाशिक ( प्रतिनिधी ) निरागस विशेष बालके अधिक संवेदनशील असतात. अशा बालकांच्या काढण्यात आलेल्या दिंडीत त्यांनी टाळ, मृदूंगाच्या ठेक्यावर ताल धरला. रायझिंग चाईल्ड डेव्हलपमेंट अँड लर्निंग सेंटरमध्ये झालेल्या दिंडीने परिसरातील सर्वांचे लक्ष वेधून घेतले.     आषाढी एकादिवशीच्या सकाळी दिंडीचे आयोजन करण्यात आले. छोट्या वारकऱ्यांचा सांप्रदायिक पोशाखातील उत्साह आकर्षित करीत होता. त्यांनी विठूरायाचा जयघोष करून परिसर दुमदुमून  टाकला. संस्थापिका व प्रमुख मार्गदर्शिका मोनिका गोडबोले - यशोद यांनी विद्यार्थ्यांना पंढरीच्या वारीचे  महत्व व विठोबाची गोष्ट सांगितली. यावेळी अनुष्का यशोद, ऋतुजा ढोरे, लीना काळे, मयूर कारंडे यांनी उपक्रमाच्या यशस्वीतेसाठी परिश्रम घेतले. पुंडलिक वरदा हरी विठ्ठल असा नामघोष करीत दिंडीची सांगता झाली.

श्री साईबाबा हार्ट इन्स्टिट्यूट ची सामाजिक बांधिलकीतून अंध पालक पाल्यांना सालाबादप्रमाणे यंदाही मदतीचा हात ! डॉ. हेलन केलर यांची १४९ वी जयंती  साजरी करण्यात आली      नासिक::- ओम  साई वेल्फेअर असोसिएशन फॉर द ब्लाइंड अँड डिसेबंल्ड आणि श्री साईबाबा हार्ट इन्स्टिट्यूट या संस्थेच्या वतीने श्री साईबाबा हार्ट इनस्टिटूट या ठिकाणी गरजू अंध व्यक्तींच्या सामान्य मुलांना शैक्षणिक साहित्य नोटबुक, कंपास , बॉटल, दप्तर, आदि  वस्तूचे प्रमुख पाहुण्यांच हस्ते वाटप करण्यात आले. या प्रसंगी प्रमुख अतिथी म्हणून शिक्षण क्षेत्रातील सन्माननीय मान्यवर लेखिका सौ. विजयालक्ष्मी वैरागकर, ( मनेरीकर ) तसेच उद्योजिका मेघा गुप्ता, नाशिक बाजार समितीचे  उपसभापती उत्तम खांडबहाले, MSL Driveline Systems Limited चे जनरल मॅनेजर हेमंत राग उपस्थित होते.       प्रारंभी सर्व अतिथिंनी आदरणीय डॉ. हेलन केलर यांच्या प्रतीमेचे पुजन करून अभिवादन केले. औपचारीक स्वागत करून पाहूण्यांनी  आपआपले मनोगत व्यक्त केले. या वेळी आपले विचार व्यक्त करताना सौ. वैरागकर यांनी संस्थेंच्या कार्याचे कौतुक करून या संस्थे सोबत काम करण्याची इच्छा व्यक्त करून

आषाढी स्पेशल (२१),  खास आषाढी एकादशी निमित्त गायक त्यागराज खाडीलकर, संगीतकार मनिषराज, गीतकार सुभाष सबनीस यांचे गीत ! सुभाष सबनीस यांचे सौजन्याने !

आषाढी स्पेशल (२०), वारी म्हणजे विठ्ठलाचे भक्तीचा लळा... वारी म्हणजे वैष्णव भक्तांचा मेळा... वारी म्हणजे आनंदाचा सोहळा... दिलीप देशपांडे यांच्या "अवघे गरजे पंढरपूर" मधून सर्वांना विठूरायाचे मनोमन दर्शन घडावे ! ■ अवघे गरजे पंढरपूर.....|| जे विठ्ठलाचे भक्त असती ते येवोनी एक होती गावोनी भगवत् भक्ती विठ्ठलाचे नाम घेत उत्तम मार्गी चालती....               "वारी" म्हणजे महाराष्ट्रातील विविध गावांमधून निघून पंढरपूर येथे येणारी सामुदायिक विठ्ठल भक्तांची पदयात्रा होय. वारी ही महाराष्ट्रातील एक धार्मिक व सांस्कृतिक परंपरा आहे. ही वारी आषाढ आणि कार्तिक महिन्यातील शुद्ध एकादशी अशा दोन्ही वेळा होते.  वारी म्हणजे विठ्ठलाचे भक्तीचा लळा... वारी म्हणजे वैष्णव भक्तांचा मेळा... वारी म्हणजे आनंदाचा सोहळा... आळंदी येथून संत ज्ञानेश्वर यांच्या पादुका आणि देहू येथून संत तुकाराम यांच्या पादुका पालखीत ठेवून ती पालखी रथातून पंढरपूर येथे मार्गस्थ होते. संत ज्ञानेश्वर, संत एकनाथ, संत तुकाराम हे वारकरी संप्रदायातील महत्त्वाचे संत होत. शेतकरी, कष्टकरी, महिला, असा सगळ्यांचा सहभाग वारीत असतो. गेल्य

आषाढी स्पेशल (१९), अरूण देशपांडे लिखित "वारीचे अभंग"  नाम ओठांवरी भक्तीदीप अंतरी  !          आषाढी एकादशी निमिताने-                  !! वारीचे अभंग !! वारीची हो वाट नसते बिकट दुष्कर जी वाट ती सहज ।। १ ।।             आली वारी वारी              चंद्रभागा तीरी             पाही वारकरी             पांडुरंगा ।। २ ।। रामकृष्ण हरी पांडुरंग हरी वासुदेव हरी जयघोष ।। ३ ।।            नाम ओठांवरी            भक्तीदीप अंतरी            जय हरी श्रीहरी            पांडुरंगा ।। ४ ।। विठ्ठला पाहुनी अश्रू हो लोचनी सुख मनोमनी म्या पामरा ।। ५ ।।                       __अरुण वि.देशपांडे                          पुणे

आषाढी स्पेशल (१८), डोईवर तुळस घेउन द्या की रं, आन् मला बी वारीला येउन द्या की !! रचनाकार सौ. अलका कोठावदे आषाढी एकादशी निमित्त एक रचना शिर्षकः मला बी वारीला ("मला बी जत्रला येऊंद्या कि रं" चालीवर ) डोईवर तुळस घेउन द्या की रं ! आन् मला बी वारीला येउन द्या की !! लई वाईट हा संसार,  लागे त्याचा जीवा घोर ! सुखदुःखाचा हा खेळ,  नाही कशाचा कशाला मेळ !!             जाऊ देवाला शरण,              घेऊ विसावा पायरीवर !             किती असार संसार,              मोक्षाची अडवितो वाट !! षड्रःरिपू मज गांजतात,  पाय विठूकडे धावतात ! नाम विठूचे घेऊन द्या कि रं, आन् मला बी वारीला येऊ द्या की ।१।             पळपळून सगळीकडे,              हाकतो संसाराचे गाडे !             पर संसार लई माजूर,              उभ्या अडचणी भरपूर !! ही भक्ती लई चतुर,  पहा येते कशी वेळेवर ! सार ईसरून जाऊन द्या की रं, आन् मला बी वारीला येऊन द्या की. ।२।            मी शरीराचा चाकूर,            किती पुरवावे त्याचे लाड !            त्रुष्णा माझी मालकिण,             सांगू किती आहे द्वाड !! उराउरी धावतो तरी,  तिचे भरेना रे पोट ! तिला

उपविभागीय अधिकारीने तब्बल ४० लाखांची लाच मागितली ! नासिक::- उपविभागीय अधिकारी डॉ. निलेश अपार, वर्ग १, उपविभाग दिंडोरी येथील  डॉ. निलेश अपार यांस ४० लाख रुपयांची लाच मागितली होती व ती स्विकारण्याची तयारी दाखविल्याप्रकरणी  लाचलुचपत प्रतिबंधक विभागाच्या वतीने ताब्यात घेण्यात आले.           यातील तक्रार यांची दिंडोरी येथे कंपनी असून त्यांचे कंपनीचे बांधकाम करताना त्यांनी अकृषीक परवानगीं न घेतल्याने त्यांचे कंपनीस आलोसे यांचेकडून नोटीस बजावण्यात आलेली होती. तसेच कंपनीचे उत्पादन बंद करण्याबाबत तोंडी सांगितलेले होते. सदर कंपनीवर कारवाई न करण्यासाठी तसेच बंद कंपनी पुन्हा सुरू करण्यासाठी तक्रारदार यांच्याकडे ५० लाखाची मागणी केली, तसेच तडजोडी अंती ४० लाख रुपयेची मागणी करून स्विकारण्याची तयारी दाखविली म्हणून गुन्हा .           सापळा अधिकारी नरेंद्र पवार, पोलीस उप अधिक्षक, सापळा पथक पो.नि. संदिप साळुंखे, पो.हवा. डोंगरे, पो.हवा. इंगळे यांनी  श्रीमती शर्मिष्ठा घारगे-वालावलकर, पोलीस अधीक्षक, ला.प्र.वि, माधव रेड्डी अप्पर पोलिस अधिक्षक, ला प्र वि नाशिक परिक्षेत्र नाशिक यांच्या मार्गदर्शनाखाली सदर कारव

आषाढी स्पेशल (१७), करा उद्धार जिवाचा, चला जाऊ पंढरीस ! सांगताहेत जेष्ठ साहित्यिक पुंजाजी मालुंजकर                  ।।  वारकरी  ।।  करू चला पायी वारी  साऱ्या दुःखाना निवारी  मिळे माऊलीचा मान भाव वाढतो अंतरी।।१।।       संत सांगती वचन       सोडा संसाराची आस       करा उद्धार जिवाचा       चला जाऊ पंढरीस।। २।।  उभा आहे भिमातिरी  भाव भक्तीचा सागर  दोन्ही हाथ कटेवर  करी भक्तांचा उद्धार।। ३।।         करू नामाचा गजर         रूप पाहू विठ्ठलाचे         सांगू तयाला गाराने        धन धान्य आरोग्याचे।। ४।।  नका करू अनमान अहँकार करा कमी  पांडुरंग ठेवा मनी  मिळे सुखाची हो हमी।। ५।।         घरी दारी सारे गाऊ         वाट दावी ज्ञानेश्वरी        वाचू गीता भागवत         चला होऊ वारकरी।। ६।।    पुंजाजी (दादासाहेब) मालुंजकर 

  आषाढी स्पेशल (१५), सौ. निर्मला भयवाळ, "धुंद होऊनी नाचतो वाळवंटी, आम्ही वारकरी" !                    !!  वारकरी  !! आम्ही वारकरी, वारकरी करितो  पंढरीची  वारी !                 हाती टाळ मृदुंग                 मुखी विठ्ठलाचे नाव                 आम्ही वारकरी ! गात विठ्ठलाची गाणी क्रमितो वाट पंढरीची आम्ही वारकरी !                 खेळतो आम्ही जागोजागी                 फुगड्या, पावली आनंदाने                 आम्ही वारकरी ! जमतो सारे वाळवंटी घेउनी झेंडे, पताका हाती आम्ही वारकरी !                 मुखी विठ्ठल विठ्ठल गर्जत                 धुंद होऊनी नाचतो वाळवंटी                 आम्ही वारकरी !         __सौ. निर्मला भयवाळ             छत्रपती संभाजीनगर

आषाढी स्पेशल (१४), उभा निवांत तू आत, विठ्या लाज नाही तुला !! अमृता खंडेराव             !! पंढरी@आषाढी !! दर्शनाची रेटारेटी जागोजागी खेटाखेटी ! कोर्या लुगड्याचा वास जीव झाला कासाविस !!                पोटी कालवाकालव                मन भक्तीमधी रंगे !                भूक वरवर चढे                पोटातल्या आम्लासंगे !! अशा दाटल्या गर्दीत धटिंगण मेला रेटे ! रांगमोड्या भाविकाला देव सर्वाआधी भेटे !!               लांब चालत मी आले               चिंध्या जिवाच्या जाहल्या !               उभा निवांत तू आत               विठ्या लाज नाही तुला !!         __अमृता खंडेराव.

आषाढी स्पेशल, प्रमोद सुर्यवंशी लिखित कवाली भक्ती गीत- "विठ्ठल माऊली" !                               !! विठ्ठल माऊली !! विठ्ठल माऊली माऊली विठ्ठल माऊली माऊली विठ्ठल    ....... (कोरस ) $$,........ तूच सुखकर्ता तूच दु:खहर्ता     साऱ्या जगाला तूच हो तारता        साऱ्या जगाला तूच हो तारता ......    विठ्ठल माऊली विठ्ठल माऊली           विठ्ठल माऊली .... (कोरस)  .... ।। धृ ।। तूच हो आमचा दाता, तूच हो आहे विधाता,    तुझ्या चरणावरती ठेवी तो आम्ही माथा ...(२)          ठेवी तो आम्ही माथा ...(३)             (कोरस) तोड :- हो ...$$$ तूच हो बंधू सखा तूच आहे भोळा  ,     माया दयाळू तूच सावळा ... २ विठ्ठल माऊली ..... (कोरस) ... ।। १ ।। विठ्ठल विठ्ठल विठ्ठल ....... (कोरस) युगे अठ्ठावीस उभा तू विठेवर ,  चंद्रभागेच्या राही सदा तू कठेवर .... २     सदा तू कठेवर .... (कोरस) तोड:- पाप सारे आपले धुहुनीय जाई, पुण्याची किमया अवतार घेई ..      पुण्याईची किमया अवतार घेई.... ( कोरस) विठ्ठल माऊली माऊली ही विठ्ठल माऊली ।।२।।           __प्रमोद न. सूर्यवंशी                  मुंबई

आषाढी स्पेशल, "आस" विठ्ठल दर्शनाची ! "झेंडा रोवला आता, सुटो ही देहगाथा . . .!" अनघा धोडपकर                     !!  आस  !! नाचत गात आला हा वारकरी पंढरपुरी  भक्तजनांनी साधली किमया अलंकापुरी  नामाचा गजर वाहे भिमातीरी  भजनाला रंग आला बहुअंतरी  जल्लोशात आली दिंडी ही मनमंदिरी . . . . . .  घेतला विसावा देखियला डोळा विठ्ठल   अंतरी दाटला सारा भाव कल्लोळ  आनंदाने घेतली भेट नाम पायरीवरी . . . .  करावा उध्दार हा भाव अर्पिला चरणी  आस न राहिली मागे बोले करुणी  झेंडा रोवला आता सुटो ही देहगाथा . . . . .                __अनघा धोडपकर...

आषाढी स्पेशल, डॉ. अंजना भंडारी म्हणतात "अनाथांना घेऊनी कडेवर, स्वतः विठ्ठल बनून पहावे" !                  !! आषाढ वारी !! नेहमीच येते आषाढ वारी जमून येतात काळे ढग ! विठ्ठलाच्या भेटी साठी उतावीळ होतो प्रत्येक जन !!             तो घेतो टाळ मृदंग             ती गाते सुरेख अभंग !             दिंडी पताका खांद्यावरती             क्षणभराची नसे उसंत !! भक्ती पूर्ण वारी होते  जीवाशीवाची भेट घडते ! रस्त्यामधुनी माणुसकीच्या  विठ्ठलाचे दर्शन घडते !!             पानोपानी झाडांवर            थेंब आडकतो असा !            काळ्या आईच्या कुशीत पडतो             टाळ वाजवावा जसा !! काळ्या मातीतून अंकुर फुटतो जणू विठ्ठल शेला पांघरतो ! कुठे दुरवर फुलतात फुले शेत जणू पताका घेऊनिया डुले !!             सुख दुःखाला ठेवुनीया दूर             वारीत एकदा जाऊन पहावे !             अनाथांना घेऊनी कडेवर               स्वतः विठ्ठल बनून पहावे !!         __डॉ. अंजना भंडारी             नाशिक

आषाढी स्पेशल, आरती डिंगोरे यांची स्वरचित "थवा वैष्णवांचा नाचतसे " !             !! थवा वैष्णवांचा !! घेऊनी पताका वैष्णव निघती, जयांच्या संगती पांडुरंग...           पाऊले चालती वाट पंढरीची,           गाठ संसाराची सोडूनिया... डोईवर शोभे तुळस ती छान, ठेवी संतुलन निसर्गाचे...            टाळ विणा हाती भक्तीगीत गाती,            महिमा वर्णिती पंढरीचा... अबीर गुलाल उधळती सारे, भक्तिमय वारे चोहीकडे...           ब्रम्हांडी निनादे गजर हरीचा,           थवा वैष्णवांचा नाचतसे... महिमा नामाचा सांगती सकला भेटण्या विठ्ठला धाव घेती...           आषाढी कार्तिकी सोहळा विठूचा,           गजर नामाचा चालतसे... वाळवंटी होई,काल्याचे किर्तन धाव घेई मन घराकडे...         __आरती डिंगोरे.✍

आषाढी स्पेशल, "रखुमाईच्या शेजारी" !  यवतमाळ हून अमृता खंडेराव !!                      !! रखुमाईच्या शेजारी !! रखुमाईच्या शेजारी  उभा विठ्ठल सावळा ! साऱ्या भक्त भक्तिणींना त्याचा आडमाप लळा !!                  अशी घनदाट गर्दी                  लोटालोट भागाभाग !                  त्याच्या पायाशी सरती                   जगण्याचे सारे भोग !! भक्त लोटले अमाप प्राणवायू गा कोंडला ! रागावली रखुमाई श्वास तिचा अडकला !!                रखुमाईच्या शेजारी                राजा विठ्ठल सावळा !                त्याच्यासाठी जमा झाला                गणगोत गोतावळा !!          __अमृता खंडेराव.             यवतमाळ

नागपूरहून आषाढी स्पेशल, कवयित्री अनुपमा मुंजे यांची रचना "आम्ही वारकरी" !           आम्ही वारकरी....🙏🙏 आम्ही वारकरी जातो या वारीस ! भेदा भेद वेस ओलांडतो !!             जनी सखू नामा             आम्ही सारे सखे !             विठु माय देखे             नित्य डोळा !! भेटी लागी जीवा सरो भेदाभेद ! मनाचे ते वेद एक होवो !!             जडो तुझे प्रेम             ओठी विठू नाम !             तुच निजधाम             बाप राया !! सरो पाप वृत्ती नित्य घडो सेवा ! पदी तुझ्या देवा प्राण माझे !!        __अनुपमा मुंजे             नागपूर

आषाढी स्पेशल- "पंढरीचे वारकरी" छत्रपती संभाजीनगर हून उद्धव भयवाळ यांनी न्यूज मसाला कडे पाठविलेली रचना !                 !! पंढरीचे वारकरी !! पांडुरंगाच्या भेटीसाठी आम्ही चाललो पंढरपुरी ! पंढरीचे वारकरी हो   पंढरीचे वारकरी !! विठूनामाच्या गजरामध्ये तहान भूक ही हरवली ! विठ्ठलाच्या दर्शनाची आस आता हो लागली !! चंद्रभागेच्या तीरावरी जमेल भक्तांचा मेळा ! इच्छापूर्ती होईल, जेव्हा दर्शन देईल विठू सावळा !! पंढरपूरच्या वारीची किती वर्णावी महती ! विठुरायाच्या दर्शनाने चिंता संसाराच्या मिटती !!  उद्धव भयवाळ छत्रपती संभाजीनगर

कवयित्री अलका कुलकर्णी यांची आषाढी स्पेशल रचना "चंद्रभागे तिरी"                   चंद्रभागे तिरी... साजिरे सगुण रूप विठू सावळा चंद्रभागे तिरी रंगलाय सोहळा...! नाम घोष पांडुरंग वारी पंढरी वाजतो मृदंग आणि टाळ तुतारी ! झाले देहभान दंग लागला लळा चंद्रभागे तिरी रंगलाय सोहळा... !! आल्या स्वागतास पावसाच्या सरी  वारकरी नाचे धुंद तालावरी ! बहरला जणू सावत्याचा मळा चंद्रभागे तिरी रंगलाय सोहळा... !! भक्ती हेच कर्म आणि ध्यास अंतरी हरी भजनात दंग वारकरी ! भाळावर शोभतोय कस्तुरी टिळा चंद्रभागे तिरी रंगलाय सोहळा... !! दारी आले भक्त तू उभा विटेवरी ओढ लागली कधी दिसेल पंढरी ! खांद्यावर वीणा माळ तुळशी गळा चंद्रभागे तिरी रंगलाय सोहळा... !! आषाढीचे वेध मज लागले हरी पुण्य काही साठवावे मी परोपरी ! विठ्ठला मी तुझा वारकरी आगळा चंद्रभागे तिरी रंगलाय सोहळा... !! ©️🍁 *अलका कुलकर्णी* 🍁

जयहिंद लोकचळवळीच्या माध्यमातून राज्यस्तरीय युवा शेतकरी पुरस्कार सोहळा तसेच शेतकरी मेळावा - सत्यजीत तांबे      नासिक ( प्रतिनिधी)::- मागील अनेक वर्षांपासून सामाजिक क्षेत्रात उल्लेखनीय कामगिरी करणाऱ्या जयहिंद लोकचवळीच्या माध्यमातून शेतकरी पुरस्कार सोहळ्याचे लवकरच आयोजन करण्यात आल्याची माहिती आम. सत्यजित तांबे यांनी दिली. कृषी क्षेत्रात उल्लेखनीय काम केलेल्या राज्यभरातील युवा शेतकऱ्यांना त्यांच्या कामगिरीबद्दल पुरस्कार देऊन सन्मानित करण्यात येणार आहे. राज्याचे माजी मुख्यमंत्री वसंतराव नाईक यांच्या जयंतीनिमित्त या राज्यस्तरीय पुरस्कार सोहळ्याचे आयोजन करण्यात आले आहे.          या पुरस्कारासाठी कृषी क्षेत्रातील तसेच कृषी पूरक व्यवसाय (शेळीपालन, कुक्कुटपालन, गोपालन, कृषी प्रक्रिया क्षेत्र व इतर कृषी अंगीकृत व्यवसाय) यामध्ये उत्कृष्ट नियोजन करून दिशादर्शक प्रकल्प केलेल्या शेतकऱ्यांना हा पुरस्कार देण्यात येणार आहे.           देशात आजही सुमारे ५५ टक्के लोक शेतीवर अवलंबून आहेत. शेतकऱ्यांची आर्थिक परिस्थिती अतिशय बिकट असते. निसर्गाची अनियमितता, कधी अतिवृष्टी तर कधी दुष्काळ असे सतत चाललेले दृष्टचक्

फुलावीत स्फुल्लिंगे ही, ऐकता तुकोबाची वाणी ! सौ. भारती सावंत रचित आषाडी स्पेशल,                !! तळमळ संतांची !! मागते मागणे विठूराया द्यावा ज्ञानेशाचा ध्यास ! बहूजन समाजाकरिता फुलावा अंतरीचा श्वास !!                     फुलावीत स्फुल्लिंगे ही                     ऐकता तुकोबाची वाणी !                     विठूच्या भेटीसाठी मी                     करावी अल्लड मनमानी !! एकनाथांची ती गवळण माझ्या तनामनात ठसावी ! रसाळ ओवी ज्ञानेशाची आमच्या हृदयात वसावी !!                        लागावे अभंग कीर्तनाचे                         मला नामदेवावाणी वेड !                        शिकवण मिळेल संतांची                        कशी करावी विठू फेड !! मनाचे श्लोक नि समास पक्केच  व्हावेत हृदयात ! रामदासांच्या निरुपणाचे रहावे स्मरण तह हयात !!                     मुक्ताबाईंचे अभंग भजन                    गुणगुणावे माझ्या ओठात !                    कष्ट जनाबाईंचे कांडताना                    भरावे अन्नासह मी पोटात !! सोयरा आणि निर्मलाबाई नांदाव्या सुखात चोखाघरी ! विठूरायाच्या भेटीसाठीची असावी कृपाच त्यांच्यावरी !!      

बोलावा विठ्ठल पहावा विठ्ठल ! आषाढी स्पेशल-  कवयित्री प्रतिभा खैरनार यांची "भक्तीची वारी ! भक्तीची वारी नाम विठ्ठलाचे मुखी वारी चालली पंढरी ! ओढ जीवाला लागली  वाट पहातो श्रीहरी !!                       टाळ मृदुंगाचा नाद                       पाय धरतात ताल !                       विठू नामाचा गजर                       वेगे माऊली गं चाल !! बुक्का ललाटी लावला कंठी तुळशीची माळ ! आलो तुझिया दारात तूच विठ्ठला सांभाळ !!                        सोडलेय घरदार                        तुझा लागलाय लळा !                        पांडुरंगा फुलवला                        कैसा भक्तीचा हा मळा !! तुझ्या लेकरांना लागे आता दर्शनाची आस ! असा वेडावला जीव तुझा सभोवार भास !!                        घेतो डोळी साठवून                        रूप साजरे गोजरे !                        घेई करूनी श्रीरंगा                        आज भक्तीचे सोहळे              -प्रतिभा खैरनार

कवी प्रशांत धिवंदे यांची विठ्ठल वारी रचना ! आषाढी एकादशी आज एकादशी । आषाढ मासाची ।। आस दर्शनाची । लागे मनी  ।। १।। घेऊन पालख्या । आले वारकरी ।। मुखी नाम हरी। जपताती  ।।२।। माता-भगिनींच्या । डोईला तुळस ।। चालण्या आळस । नसे कोणा  ।।३।।    वाजविती टाळ । मुखाने गजर ।। भक्तीचा हा ज्वर । चढलासे  ।।४।।   भक्तीमध्ये तुझ्या । वारकरी दंग ।। गाताती अभंग । मनोभावे  ।।५।। वारीत साऱ्यांची । जोडलिया नाळ ।। करिसी सांभाळ । विठू तूची  ।।६।। दर्शनासी तुझ्या । चंद्रभागा काठी ।।                 झाली बघ दाटी । पांडुरंगा  ।।७।। मना खुणावते । रूप मनोहरी ।। फळा येई वारी । दर्शनाने  ।। ८ ।। रचना - प्रशांत र. धिवंदे देवळाली कॅम्प, नाशिक

कवी हेमंत मुसरीफ, पुणे यांच्या आषाडीनिमित विठूराया चरणी शब्दबद्ध केलेल्या दोन रचना !               विठू व्यापार .. का करतोस विठ्ठला तू घाट्याचा व्यापार !  करी मी अल्प भक्ती  कसे  देशी अपरंपार !!                        नामस्मरण रे स्मरण                        घे कधी तर  एकवार !                        सावरला तोल माझा                        अनेकदा  कैक  वार !! दुरुनि  लाजत लपत करी हळूचं नमस्कार ! झोळी मध्ये भरे खूप श्रीहरी तव चमत्कार !!                        भावमाझा चोख नसे                        मनात दडले  विकार !                        तू देशी निखळ  सुख                        कशी ना तुझी तक्रार !! मीचंतुझा भक्त खरा सजवला भ्रमबाजार ! मिस्किल हसतकसा घालवला तू  आजार !!                          हजार  शंका  उधार                          अर्पिता तुजला  हार !                          आप पर भेद न तुज                          रोख  पंढरी व्यवहार !! *************************************                      आषाढी  ... गावातूनि येतेजाते पंढरीनाथांची वारी ! स्वागतासज्ज होई पंचक्रोशी ती सारी !!    

विठूरायाच्या भक्तिगीतांनी अभंगवाणी मैफल रंगली !        नाशिक ( प्रतिनिधी )-  पावसाची प्रतीक्षा करीत असतांना कालिदास कलामंदिरात स्वरांची बरसात झाली. रसिक श्रोते त्यात न्हाऊन चिंब झाले. जय जय राम कृष्ण हरी या गजराने मैफलीचा प्रारंभ झाला. राजस सुकुमार मदनाचा पुतळा..., नामाचा गजर गर्जे भीमातीर..., तीर्थ विठ्ठल क्षेत्र विठ्ठल... अश्या आनंद भाटे यांनी गायलेल्या अनेक अभंगात श्रोते तल्लीन झाले.    आषाढी एकादशी आणि अभंगांची सुरेल मैफल हे समीकरण पक्के झाले आहे. महाराष्ट्राला थोर संतांची दीर्घ परंपरा लाभलेली असून त्यांनी असंख्य रसाळ अभंग रचले आहेत. आषाढी एकादशीच्या निमित्ताने निवडक अश्या लोकप्रिय भक्तीसंगीताची मैफल काल रविवारी ( दि. २५) आयोजित करण्यात आली. लोकप्रिय गायक आनंदगंधर्व आनंद भाटे यांची अभंगवाणी सायंकाळी महाकवी कालिदास कलामंदिरात उत्तरोत्तर रंगत गेली. जणुकाही आपण चंद्रभागेच्या तीरावर पंढरीत आहोत अशीच अनुभूती श्रोत्यांना मिळाली. सरगम थिएटरच्या नंदकुमार देशपांडे यांची निर्मिती असलेल्या व साची एंटरटेनमेंट प्रस्तुत ' अभंगवाणी ' मैफलीत आनंद भाटे आपल्या प्रासादिक स्वरात अभंग सादर केले

पोलिस नाईक लाचलुचपत प्रतिबंधक विभागाच्या जाळ्यात !         नासिक/जळगाव::- भुसावळ तालुका पोलिस ठाण्यातील पोलिस नाईक आलोसे गणेश पोपट गव्हाळे याने मोटर चोरीस गेलेल्या शेतकऱ्याच्या नावाने ५,०००/-रुपये व स्वतःसाठी १,०००/-रुपये असे एकुण ६,०००/-रुपये लाच मागितली होती ती स्विकारताना लाचलुचपत प्रतिबंधक विभागाच्या वतीने ताब्यात घेण्यात आले.       यातील तक्रारदार यांची भुसावळ तालुका पोलीस स्टेशन हद्दीमधील मांडवा दिगर ता.भुसावळ येथे शेत जमीन आहे. सदर शेतीसाठी लागणारे पाणी हे त्यांनी शेजारच्या शेतकऱ्याच्या विहीरीतून घेण्यासाठी सदर विहीरीत स्वतःच्या मालकीची पाणी ओढण्याची मोटर लावलेली आहे. त्याचप्रमाणे इतर दोन शेतकऱ्यांनी देखील स्वतःच्या मालकीच्या दोन मोटारी लावलेल्या आहेत. सदर विहीरीत असलेल्या तिन मोटारींपैकी एक मोटर चोरीला गेल्याने सदर मोटर चोरीस गेलेल्या शेतकऱ्याने इतर दोघा शेतकऱ्यांनीच त्यांची मोटर चोरी केल्याचा संशय म्हणून भुसावळ तालुका पोलीस स्टेशन येथे त्यांचे विरुद्ध तक्रार केली होती, सदर तक्रारीवर गव्हाळे यांनी तक्रारदार यांचेकडे मोटर चोरीचा गुन्हा दाखल न करण्याच्या मोबदल्यात तक्रारदार यांचे

"लोकराजा" तपपूर्ती (१२व्या) दिवाळी अंकासाठी साहित्य पाठविण्याचे आवाहन ! नासिक::- "लोकराजा" दिवाळी अंकासाठी साहित्य पाठविण्याचे आवाहन साप्ताहिक न्यूज मसालाचे संपादक नरेंद्र पाटील यांच्याकडून करण्यात आले आहे. राष्ट्रीय विक्रम प्राप्त एकमेव दिवाळी विशेषांक तथा आंतरराष्ट्रीय दिवाळी अंक संघटना स्पर्धेत निवड व गौरव पुरस्कार तसेच काव्यमंच पुरस्कारासह अनेक मान्यवरांनी गौरविलेल्या, मुखपृष्ठावर आजी-माजी संसद सदस्याचे छायाचित्र प्रकाशित करण्यात येणारा "एकमेव" दिवाळी अंक "लोकराजा" !          न्यूज मसाला चा "लोकराजा" दिवाळी अंक यंदा तपपूर्ती (१२ व्या) वर्षात पदार्पण करीत आहे. मराठी साहित्यिक विचारांचा गौरव व नव साहित्यिकांच्या लेखनाला यथोचित सन्मानाने स्थान देण्याचा मानस या वैशिष्ट्यांसह "लोकराजा" अंकाने सर्वदुर सहस्रावधी वाचकांची आवड जोपासली आहे. लेखक, कवी, विचारवंतानी आपण स्वत: लिहिलेली साहित्य कृती (कथा, कविता, ललित लेख यापैकी फक्त एकच साहित्य रचना ) खालील पत्यावर पोष्टाने किंवा ई-मेल १० जुलै २०२३ पर्यंत पाठवावे. कथा, कविता, लेख यांना

Weekly News Masala Regular issue on 22 June 2023 ! साप्ताहिक न्यूज मसाला २२ जून २०२३ चा नियमित अंक !

वरिष्ठ लिपिक ४५००० रुपयांची लाच स्वीकारताना लाचलुचपत प्रतिबंधक विभागाच्या जाळ्यात !       नासिक::- नंदुरबार येथील दी.एन.डी.अॅण्ड एम.वाय.सार्वजनिक हायस्कूल मधील वरिष्ठ लिपिक विनोद साकरलाल पंचोली यांस ४५०००/- रुपयांची लाच स्वीकारताना लाचलुचपत प्रतिबंधक विभागाच्या वतीने ताब्यात घेण्यात आले.               यातील तक्रारदार यांनी स्वेच्छानिवृत्ती घेतल्यानंतर त्यांच्या रजा रोखिकरणाची रक्कम आलोसे यांनी दिलेल्या धनादेशाद्वारे तक्रारदार यांच्या बँक खात्यात जमा झाली होती. तक्रारदार यांची रजा रोखीकरणाची रक्कम काढून दिल्याबद्दलच्या मोबदल्यात आलोसे विनोद पंचोली यांनी तक्रारदार यांच्याकडून ४५०००/- रुपये लाचेची मागणी करून ,  आज दिनांक २१ जून २०२३ रोजी सदर लाचेची रक्कम पंच साक्षीदार यांचे समक्ष स्वीकारली आहे. नवापुर पोलीस ठाणे येथे गुन्हा दाखल करण्याची प्रक्रिया सुरू आहे.             सापळा अधिकारी राकेश आ. चौधरी, पो. उपअधीक्षक, ला.प्र.वि. नंदुरबार, सापळा कार्यवाही पथक पोहवा/विलास पाटील, पोहवा/ज्योती पाटील, पोना/देवराम गावित, पोना/अमोल मराठे, सापळा मदत पथक समाधान एम.वाघ, पोलीस निरीक्षक, पोहवा/विजय ठाकरे

७००० रुपयांची लाच स्वीकारताना अधिकारी लाचलुचपत प्रतिबंधक विभागाच्या जाळ्यात ! नासिक::- धुळे जिल्ह्यातील साक्री तहसील कार्यालयातील वर्ग ३, जैताणे मंडळ अधिकारी विजय वामन बावा यांस लाच स्वीकारताना लाचलुचपत प्रतिबंधक विभागाच्या वतीने ताब्यात घेण्यात आले.           लाचेचे कारण तक्रारदार यांची मौजे भामेर ता.साक्री येथे गट न.४३ ,४४ अशी शेत जमीन असून त्यांची कौंटुंबिक वाटणी करावयाची असल्याने त्यांनी निजामपूर मंडळ अधिकारी विजय बावा यांची भेट घेतली असता त्यांनी तक्रारदार  यांचे कडे १८००० रु मागणी केली.तडजोडी अंती १५००० रुपये सांगून त्यापैकी अगोदर घेतलेले ८००० रु वजा जाता ७००० रुपये ची पंचांसमक्ष मागणी करून मौजे भामेर ता.साक्री तक्रारदार यांचे राहते घरी ७००० स्विकारतांना आलोसे विजय बावा यांना रंगेहाथ पकडण्यात आले आहे.             सापळा पर्यवेक्षण अधिकारी अभिषेक पाटील, पोलीस उप अधीक्षक, सापळा अधिकारी प्रकाश झोडगे पोलीस निरीक्षक, सहा.सापळा अधिकारी मंजितसिंग चव्हाण, पोलीस निरीक्षक, ला.प्र.वि.धुळे, सापळा पथक राजन कदम, शरद काटके, भूषण खलाणेकर, संतोष पावरा भूषण शेटे, रामदास बारेला, प्रशांत बागुल, मकरंद

योगासने व राजयोग यांच्या द्वारे तन व मन यांचे आरोग्य सुधृढ राहते-ब्रह्मकुमारी वासंती दिदीजी      नासिक(सुचेता बच्छाव)::- आंतरराष्ट्रीय योग दिनानिमित्ताने प्रजापिता ब्रह्मकुमारी ईश्वरीय विश्वविद्यालय, गंगापूर रोड शाखेतर्फे वृंदावन लॉन्स येथे संगीतमय योगा व मेडीटेशनचे प्रात्यक्षिक घेण्यात आले. सेंटर च्या संचालिका आदरणीय मनीषा दिदि यांनी कार्यक्रमाचे आयोजन केले. सेंटरचे साधक भाई-बहनजी यांच्या सहकार्याने कार्यक्रम यशस्वीपणे पार पडला. प्रभागाच्या माजी नगरसेविका सौ. स्वाती भामरे, संगीतमय योगाचे प्रणेते डॉ. उज्ज्वल कापडणीस, त्यांच्या सुविद्य पत्नी डॉ. मनीषा कापडणीस, सेन्टरच्या ब्रह्मकुमारी प्रिया बहन आणि आशाताई शिंदे यांनी अनमोल सहकार्य केले. वासंती दीदी, ब्रह्मकुमारीज् संस्थेच्या नाशिक जिल्हा प्रमुख या मुख्य पाहुण्या म्हणून उपस्थित होत्या. त्याग, तपस्या, सेवा आणि मार्गदर्शन करणे हा दिदिंचा स्थायीभाव आहे. राजयोगिनी वासंती दिदि यांचा परिचय मनीषा दिदि यांनी करून दिला. डॉ. कापडणीस पती-पत्नींनी संगीतमय योगाचे प्रात्यक्षिक सादर केले. त्यामध्ये ४०० स्री पुरुष नागरिकांनी सहभाग घेतला. गेल्या तीन मह

दिव्यांग साधन सहाय निदान शिबिरात १६० दिव्यांगांचा सहभाग ! ९३ पात्र लाभार्थ्यांना दिले जाणार साधन सहाय !               नाशिक : समाज कल्याण विभाग व आरोग्य विभाग, जिल्हा परिषद नाशिक, जिल्हा सामान्य रुग्णालय नाशिक, जिल्हा दिव्यांग पुनर्वसन केंद्र नाशिक व रत्नानिधी चेरिटेबल ट्रस्ट, मुंबई यांच्या संयुक्त विद्यमाने दिव्यांग व्यक्तींकरिता साधन सहाय निदान शिबिराचे आयोजन जिल्हा शासकीय रुग्णालयात करण्यात आले होते. या शिबिरास मुख्य कार्यकारी अधिकारी आशिमा मित्तल यांनी भेट देवून दिव्यांग व्यक्तींशी संवाद साधला, यावेळी जिल्हा समाजकल्याण अधिकारी योगेश पाटील, रत्नानिधी चॅरिटेबल ट्रस्टच्या नंदिनी मॅडम, जिल्हा दिव्यांग पुनर्वसन केंद्राच्या कविता जूनेजा उपस्थित होत्या.             या शिबिरामध्ये पायांनी दिव्यांग असलेल्या व्यक्तींसाठी जयपूर फूट (कृत्रिम पाय ) पोलियो ग्रस्तांसाठी कॅलीपर्स किंवा क्रचेस (कुबडी), कोपऱ्याच्या खाली हात नसलेल्या व्यक्तींसाठी कृत्रिम हाथ बसवण्यासाठी नाव नोंदणी करण्यात आली.              दिव्यांग साधन सहाय निदान शिबिरात १६० दिव्यांग व्यक्तींनी सहभाग नोंदवला यामध्ये ९३ पात्र लाभार्थ